فیلڈ مارشل عاصم منیر بطور چیف آف ڈیفنس فورسز تعینات، صدر مملکت کی وزیراعظم کی سمری منظور، چیف آف ایئر اسٹاف، ائیر چیف مارشل ظہیر احمد بابر سدھو کی مدتِ ملازمت میں دو سال کی توسیع کی بھی منظوری

اسلام آباد (رئیس الاخبار) :— صدرِ مملکت آصف علی زرداری نے وزیراعظم شہباز شریف کی سفارش پر فیلڈ مارشل سید عاصم منیر کی بطور چیف آف ڈیفنس فورسز (CDF) تعیناتی کی سمری کی منظوری دے دی۔ اس فیصلے کے تحت فیلڈ مارشل عاصم منیر، جو اس وقت ملک کے چیف آف آرمی اسٹاف ہیں، اب پانچ سالہ مدت کے لیے پاکستان کے پہلے چیف آف ڈیفنس فورسز کی ذمہ داریاں بھی سنبھالیں گے۔

صدر نے وزیراعظم کی جانب سے ارسال کی عاصم منیر بطور چیف آف ڈیفنس فورسز سمری پر باضابطہ دستخط کر دیے جس کے بعد فیلڈ مارشل عاصم منیر دو اہم عسکری مناصب، چیف آف آرمی اسٹاف اور چیف آف ڈیفنس فورسز — ایک ساتھ سنبھالیں گے۔ حکومتی ذرائع کے مطابق ان کی تقرری کا مقصد دفاعی قیادت میں مربوط ہم آہنگی پیدا کرنا اور مشترکہ افواج کے ڈھانچے کو مضبوط کرنا ہے۔

یہ بھی پڑھیے

لندن ہائی کورٹ کے حکم پر سوشل میڈیا پر بریگیڈیئر راشد نصیر سے یوٹیوبرعادل راجہ کی باقاعدہ معافی

فیض حمید سزا ادارے کا اندرونی معاملہ ہے، وزیراعلیٰ خیبرپختونخوا

دو روزہ سرکاری دورے پر وزیرِ اعظم شہباز شریف ترکمانستان روانہ، جہاں اعلیٰ سطحی بین الاقوامی فورم میں شرکت کریں گے

اسی کے ساتھ، صدر آصف علی زرداری نے چیف آف ایئر اسٹاف، ائیر چیف مارشل ظہیر احمد بابر سدھو کی مدتِ ملازمت میں دو سال کی توسیع کی منظوری بھی دے دی ہے۔ اس توسیع کا اطلاق ان کی موجودہ پانچ سالہ مدت پوری ہونے کے بعد 19 مارچ 2026 سے ہو گا۔

جی ایچ کیو آرمی چیف سے رائل سعودی لینڈ فورسز کے کمانڈر اور بحرینی نیشنل گارڈ کے کمانڈر کی ملاقاتیں — **آرمی چیف فیلڈ مارشل عاصم منیر کی سعودی لینڈ فورسز اور بحرینی نیشنل گارڈ کے کمانڈرز سے اہم ملاقاتیں۔**

ایوان صدر کے بیان میں کہا گیا کہ صدر مملکت نے آرمی چیف (جو اب چیف آف ڈیفنس فورسز بھی ہوں گے) اور ایئرچیف دونوں کے لیے نیک خواہشات کا اظہار کیا اور امید ظاہر کی کہ وہ اپنی آئندہ ذمہ داریاں بہترین انداز میں نبھائیں گے۔

عاصم منیر بطور چیف آف ڈیفنس فورسز منظوری کے فیصلے سے قبل وزیراعظم شہباز شریف نے دونوں عسکری شخصیات سے متعلق سمریاں تیار کر کے ایوان صدر بھجوائی تھیں۔ سرکاری دستاویزات کے مطابق:

فیلڈ مارشل سید عاصم منیر ملک کے پہلے چیف آف ڈیفنس فورسز ہوں گے،

عاصم منیر بطور چیف آف ڈیفنس فورسز پانچ سال کے لیے سونپا گیا ہے،

جبکہ ائیر چیف مارشل ظہیر احمد بابر سدھو کی مدتِ ملازمت میں توسیع مارچ 2026 سے لاگو ہو گی۔

حکومتی و عسکری حلقوں میں اس اقدام کو پاکستان کی دفاعی قیادت میں ایک اہم اور تاریخی پیش رفت قرار دیا جا رہا ہے۔

President of #Pakistan Asif Ali Zardari approved the appointment of Field Marshal Syed Asim Munir, NI (M), HJ, as Chief of Army Staff (#COAS) concurrently as Chief of the Defence Forces (#CDF) for 5 years, and a 2-year extension for Air Chief Marshal Zaheer Ahmed Baber Sidhu,… pic.twitter.com/CtfdSrH9CW
— Pakistan Armed Forces News 🇵🇰 (@PakistanFauj) December 4, 2025