پاکستان کا سہ فریقی ٹی ٹوئنٹی سیریز اور ایشیا کپ 2025 اسکواڈ کا اعلان

لاہور: پاکستان کرکٹ بورڈ (پی سی بی) نے یو اے ای سہ فریقی ٹی ٹوئنٹی سیریز اور ایشیا کپ 2025 اسکواڈ کے لیے کے 17 رکنی قومی کرکٹ ٹیم کا اعلان کردیا ہے۔

ایشیا کپ 2025 اسکواڈ کا اعلان سلیکشن کمیٹی کے سربراہ اور ڈائریکٹر ہائی پرفارمنس عاقب جاوید اور ہیڈ کوچ مائیک ہیسن نے لاہور میں پریس کانفرنس کے دوران کیا۔

اس اعلان کے مطابق آل راؤنڈر سلمان علی آغا کو ٹیم کا کپتان برقرار رکھا گیا ہے، جبکہ دیگر نمایاں کھلاڑیوں میں فخر زمان، شاہین شاہ آفریدی، حارث رؤف، صائم ایوب، خوشدل شاہ اور حسین طلعت شامل ہیں۔ ٹیم میں بیٹنگ اور بولنگ دونوں شعبوں کے لیے متوازن امتزاج رکھنے کی کوشش کی گئی ہے۔

ایشیا کپ 2025 اسکواڈ میں شامل دیگر کھلاڑی یہ ہیں:

محمد نواز

محمد وسیم جونیئر

محمد حارث (وکٹ کیپر)

ابرار احمد

فہیم اشرف

حسن علی

حسن نواز

صاحبزادہ فرحان

سلمان مرزا

سفیان مقیم

سہ فریقی سیریز کی میزبانی شارجہ میں

سہ فریقی ٹی ٹوئنٹی سیریز میں پاکستان، افغانستان اور میزبان متحدہ عرب امارات کی ٹیمیں شریک ہوں گی۔ یہ سیریز 29 اگست سے 7 ستمبر 2025 تک شارجہ کرکٹ اسٹیڈیم میں کھیلی جائے گی۔
شیڈول کے مطابق پاکستان کا پہلا میچ افغانستان کے خلاف 29 اگست کو ہوگا جبکہ 30 اگست کو پاکستان اور یو اے ای کی ٹیمیں مدمقابل آئیں گی۔ سیریز کا فائنل 7 ستمبر کو ہوگا۔

ایشیا کپ 2025 – پاکستان اور بھارت ایک گروپ میں

سہ فریقی سیریز کے بعد ایشیا کپ 2025 کا انعقاد 9 سے 28 ستمبر تک ابوظہبی اور دبئی میں ہوگا۔ ایونٹ میں 8 ٹیمیں حصہ لے رہی ہیں، جنہیں دو گروپوں میں تقسیم کیا گیا ہے۔
پاکستان کو گروپ ’اے‘ میں رکھا گیا ہے، جہاں اس کا مقابلہ روایتی حریف بھارت کے علاوہ عمان اور یو اے ای سے ہوگا۔ یہ گروپ اس لحاظ سے کرکٹ کے شائقین کے لیے خاص کشش رکھتا ہے کہ ایک بار پھر پاکستان اور بھارت کے درمیان سنسنی خیز مقابلہ متوقع ہے۔

فخر زمان ایشیا کپ اور تین ملکی سیریز میں واپسی، سلمان مرزا کی شمولیت متوقع

پاکستان کے گروپ میچز کا شیڈول درج ذیل ہے:

12 ستمبر – پاکستان بمقابلہ عمان (ابوظہبی)

14 ستمبر – پاکستان بمقابلہ بھارت (دبئی)

17 ستمبر – پاکستان بمقابلہ یو اے ای (ابوظہبی)

اس کے بعد سپر فور مرحلہ 20 سے 26 ستمبر کے دوران ابوظہبی اور دبئی میں کھیلا جائے گا، جبکہ فائنل 28 ستمبر کو دبئی انٹرنیشنل کرکٹ اسٹیڈیم میں شیڈول ہے۔

Mark your calendars 🗓️

Schedules for the tri-nation series and ACC Men's T20I Asia Cup 2025 🏏

Pakistan squad & details ➡️ https://t.co/vw2QKLOX1H#BackTheBoysInGreen | #AsiaCup2025 pic.twitter.com/0cJxFpxNYk
— Pakistan Cricket (@TheRealPCB) August 17, 2025
 

بابر اعظم اور محمد رضوان پر سوالات

پریس کانفرنس میں میڈیا نمائندوں نے سابق کپتان بابر اعظم اور وکٹ کیپر بلے باز محمد رضوان کی ٹیم میں شمولیت کے حوالے سے سوالات بھی اٹھائے۔
عاقب جاوید نے وضاحت کرتے ہوئے کہا:

"بابر اعظم اور محمد رضوان تین سیریز سے اسکواڈ میں شامل نہیں تھے۔ ہم یہ نہیں کہتے کہ وہ آئندہ زیر غور نہیں آئیں گے۔ جب وہ اپنی کارکردگی کے ساتھ واپس آئیں گے تو یقینی طور پر ٹی ٹوئنٹی میں کھیلیں گے۔ اس وقت ہمارے پاس دیگر اچھے آپشنز موجود ہیں اور ہم ان کھلاڑیوں کو موقع دے رہے ہیں جو حالیہ عرصے میں اچھا کھیل رہے ہیں۔”

ٹیم کمبی نیشن اور حکمت عملی

ہیڈ کوچ مائیک ہیسن نے کہا کہ ایشیا کپ 2025 اسکواڈ کا انتخاب مکمل پلاننگ اور مستقبل کو مدنظر رکھ کر کیا گیا ہے۔ ان کا کہنا تھا:

"ہم نے کوشش کی ہے کہ ٹیم میں نوجوان اور تجربہ کار کھلاڑیوں کا توازن قائم رہے۔ فخر زمان اور صائم ایوب ٹاپ آرڈر میں مضبوطی لائیں گے، جبکہ شاہین شاہ آفریدی اور حارث رؤف فاسٹ بولنگ کے شعبے کو سہارا دیں گے۔”

تجزیہ

ماہرین کے مطابق، سلمان علی آغا کی قیادت میں یہ ٹیم ایک متوازن اسکواڈ نظر آتی ہے جس میں آل راؤنڈرز کی موجودگی ٹیم کے کمبی نیشن کو مضبوط کرتی ہے۔ خوشدل شاہ، حسین طلعت اور فہیم اشرف جیسے کھلاڑی فلیکس ایبیلٹی فراہم کرتے ہیں۔
دوسری جانب ابرار احمد اور سفیان مقیم اسپن بولنگ میں گہرائی فراہم کریں گے، جو یو اے ای کی وکٹوں پر فیصلہ کن کردار ادا کر سکتے ہیں۔

شائقین کی توقعات

پاکستانی شائقین اس سیریز اور ایشیا کپ میں اپنی ٹیم سے شاندار کارکردگی کی امید لگائے بیٹھے ہیں۔ خاص طور پر بھارت کے خلاف میچ کرکٹ کے مداحوں کے لیے سب سے زیادہ دلچسپی کا باعث ہوگا۔

🚨 Pakistan's 17-member squad announced for the tri-series and ACC Men's Asia Cup T20 2025 🚨

All set for the two assignments in the UAE 🗓️🏏#BackTheBoysInGreen | #AsiaCup2025 pic.twitter.com/d2kNpEyT39
— Pakistan Cricket (@TheRealPCB) August 17, 2025