دنیا کا سب سے پتلا فون: آئی فون 17 سیریز کا نیا ائیر ماڈل

آئی فون 17 سیریز کے 4 ماڈلز متعارف، قیمتیں اور فیچرز جانیں

ایپل نے اپنی نئی آئی فون 17 سیریز متعارف کرا دی ہے، جس کا شوقین دنیا بھر میں لاکھوں صارفین بے صبری سے انتظار کر رہے تھے۔ ہر سال ایپل کا نیا ایونٹ ٹیکنالوجی کے شوقین افراد کے لیے کسی تہوار سے کم نہیں ہوتا۔ اس بار بھی ایپل نے صارفین کو حیران کرنے کے لیے کئی بڑے فیچرز شامل کیے ہیں۔ ایونٹ کے دوران آئی فون 17 سیریز کے 4 ماڈلز پیش کیے گئے جن میں آئی فون 17، آئی فون 17 ائیر، آئی فون 17 پرو اور آئی فون 17 پرو میکس شامل ہیں۔

ایپل نے اس بار ایک بڑی تبدیلی یہ کی ہے کہ پلس ماڈل کو ختم کر کے اس کی جگہ آئی فون 17 سیریز میں نیا "ائیر” ورژن شامل کیا ہے، جو کمپنی کی تاریخ کا سب سے پتلا فون قرار دیا جا رہا ہے۔

آئی فون 17 سیریز: وائرلیس چارجنگ اور بہتر بیٹری لائف

ایپل نے اعلان کیا کہ اب وائرلیس میگ سیف چارجنگ کو آئی فون 17 سیریز کے تمام ماڈلز میں شامل کر دیا گیا ہے۔ اس کے ساتھ ہی بیٹری لائف کو بھی نمایاں طور پر بہتر بنایا گیا ہے تاکہ صارفین کو زیادہ دیر تک بہتر کارکردگی مل سکے۔

آئی فون 17: نیا ڈسپلے اور ڈوئل کیمرا

اسٹینڈرڈ ماڈل یعنی آئی فون 17 سیریز کا بنیادی ورژن 6.3 انچ کے پرو موشن ڈسپلے کے ساتھ آتا ہے۔ یہ ڈسپلے "آل ویز آن” فیچر کے ساتھ ہے جو اس سے قبل صرف پرو ماڈلز میں دستیاب تھا۔ بیک پر ڈوئل کیمرا سیٹ اپ دیا گیا ہے جس میں 48 میگا پکسل اور 12 میگا پکسل کے کیمرے شامل ہیں۔

سرامکس شیلڈ 2 ٹیکنالوجی کے ذریعے فون کو خراشوں اور گرنے سے تحفظ ملتا ہے۔ ایپل کا دعویٰ ہے کہ آئی فون 17 سیریز کا یہ ماڈل پورے دن کی بیٹری لائف فراہم کرتا ہے۔

آئی فون 17 ائیر: سب سے پتلا آئی فون

ایپل کی تاریخ میں سب سے انوکھا اضافہ آئی فون 17 سیریز میں "ائیر” ماڈل ہے۔ یہ فون محض 5.6 ملی میٹر موٹا اور 165 گرام وزنی ہے۔ پچھلے ورژن یعنی آئی فون 16 کی موٹائی 7.8 ملی میٹر تھی، اس حساب سے یہ نیا ورژن بہت زیادہ پتلا ہے۔

اس میں ٹائٹینیم المونیم فریم کے ساتھ سرامکس شیلڈ 2 ٹیکنالوجی شامل ہے۔ فون کے بیک پر سنگل 48 میگا پکسل کیمرا موجود ہے، جبکہ اندر اے 19 پرو چپ اور 12 جی بی ریم دی گئی ہے۔ بیٹری لائف کے لحاظ سے یہ بھی پورے دن کام کرنے کی صلاحیت رکھتا ہے۔ آئی فون 17 سیریز میں یہ فون زیادہ تر ان صارفین کے لیے ہے جو پتلا اور ہلکا فون چاہتے ہیں۔

آئی فون 17 پرو اور پرو میکس: جدید کیمرے اور تیز ترین انٹرنیٹ

آئی فون 17 سیریز کے سب سے طاقتور ماڈلز پرو اور پرو میکس ہیں۔ ان دونوں فونز میں 48 میگا پکسل کے تین کیمرے موجود ہیں جو 8k ویڈیو ریکارڈ کرنے کی صلاحیت رکھتے ہیں۔ یہ فیچر فوٹوگرافی اور ویڈیوگرافی کے شوقین افراد کے لیے کسی تحفے سے کم نہیں۔

دونوں فونز میں وائی فائی 7 چپ دی گئی ہے جس کے ذریعے انٹرنیٹ کی رفتار انتہائی تیز ہوگی۔ ایپل کا دعویٰ ہے کہ ان فونز کی بیٹری مسلسل 39 گھنٹے تک ویڈیو پلے کرنے کی صلاحیت رکھتی ہے۔ اس سے صاف ظاہر ہوتا ہے کہ آئی فون 17 سیریز کی یہ ڈیوائسز پروفیشنل یوزرز کے لیے بہترین آپشن ہیں۔

آئی فون 17 سیریز: قیمتیں

ایپل نے آئی فون 17 سیریز کے ہر ماڈل کی قیمت بھی بتائی ہے:

آئی فون 17 کی قیمت 799 ڈالرز سے شروع ہوگی۔

آئی فون 17 ائیر کی قیمت 999 ڈالرز ہوگی۔

آئی فون 17 پرو کی قیمت 1099 ڈالرز مقرر کی گئی ہے۔

آئی فون 17 پرو میکس کی قیمت 1199 ڈالرز سے شروع ہوگی۔

تمام ماڈلز کی اسٹوریج کم از کم 256 جی بی ہوگی، جبکہ یہ فونز 19 ستمبر سے دنیا کے مختلف ممالک میں دستیاب ہوں گے۔

مارکیٹ پر اثرات اور صارفین کی توقعات

ہر سال ایپل کے نئے فونز ٹیکنالوجی مارکیٹ میں ہلچل مچاتے ہیں، اور اس بار بھی ایسا ہی ہونے والا ہے۔ تجزیہ کاروں کا کہنا ہے کہ آئی فون 17 سیریز کی وجہ سے دیگر اسمارٹ فون کمپنیوں پر دباؤ بڑھے گا۔ خاص طور پر "ائیر” ماڈل اپنی پتلی ڈیزائن کی وجہ سے مارکیٹ میں نئی ٹرینڈ سیٹ کرے گا۔

آئی فون 17 پرو میکس: ڈیزائن اور نئی لیکس نے سب کو حیران کردیا

ایپل نے ایک بار پھر اپنی روایت کو برقرار رکھتے ہوئے آئی فون 17 سیریز کے ذریعے صارفین کو متاثر کیا ہے۔ چاہے وہ پتلا ڈیزائن ہو، جدید کیمرے ہوں، یا تیز ترین وائی فائی کنیکٹیویٹی—یہ سیریز ٹیکنالوجی کے میدان میں ایک بڑا قدم ہے۔