بنوں میں دہشت گردوں کا اسسٹنٹ کمشنر شمالی وزیرستان کی گاڑی پر حملہ، اسسٹنٹ کمشنر سمیت 4 افراد شہید، حملے میں دو پولیس اہلکار اور ایک مقامی شہری بھی شہید ہوا

خیبر پختونخوا کے شہر بنوں میں میرانشاہ روڈ پر اسسٹنٹ کمشنر شمالی وزیرستان کی گاڑی پر دہشت گردوں نے حملہ کردیا، جس کے نتیجے میں اسسٹنٹ کمشنر سمیت 4 افراد شہید اور 2 اہلکار زخمی ہوگئے۔

لکی مروت پولیس موبائل پر خودکش حملہ ایک اہلکار شہید — **خودکش حملے کے بعد لکی مروت میں پولیس کی بھاری نفری جائے وقوعہ پر موجود**

پولیس کے مطابق اسسٹنٹ کمشنر شمالی وزیرستان کی گاڑی پر حملہ اُس وقت ہوا جب اسسٹنٹ کمشنر شاہ ولی میرانشاہ سے بنوں آرہے تھے۔ دہشت گردوں نے گاڑی کو نشانہ بنانے کے بعد آگ بھی لگا دی۔ حملے میں دو پولیس اہلکار اور ایک مقامی شہری بھی شہید ہوا جبکہ 2 پولیس اہلکار زخمی ہوئے، جنہیں فوری طور پر اسپتال منتقل کردیا گیا۔

یہ بھی پڑھیے

لندن ہائی کورٹ کے حکم پر سوشل میڈیا پر بریگیڈیئر راشد نصیر سے یوٹیوبرعادل راجہ کی باقاعدہ معافی

فیض حمید سزا ادارے کا اندرونی معاملہ ہے، وزیراعلیٰ خیبرپختونخوا

دو روزہ سرکاری دورے پر وزیرِ اعظم شہباز شریف ترکمانستان روانہ، جہاں اعلیٰ سطحی بین الاقوامی فورم میں شرکت کریں گے

ریجنل پولیس آفس (آر پی او) بنوں کے ترجمان کاشف نواز نے واقعے کی تصدیق کرتے ہوئے بتایا کہ اسسٹنٹ کمشنر شمالی وزیرستان کی گاڑی پر حملہ کینٹ تھانے کی حدود میں پیش آیا۔ پولیس نے علاقے کو گھیرے میں لے کر سرچ آپریشن شروع کردیا ہے۔

گزشتہ چند برسوں سے پاکستان خصوصاً خیبر پختونخوا اور بلوچستان میں دہشت گرد حملوں میں واضح اضافہ دیکھا جا رہا ہے۔ 2022 میں کالعدم تحریکِ طالبان پاکستان (ٹی ٹی پی) کی جانب سے جنگ بندی ختم کیے جانے کے بعد سیکیورٹی فورسز، پولیس اور قانون نافذ کرنے والے اداروں پر حملوں میں شدت آئی ہے۔

EXCLUSIVE:
اسسٹنٹ کمشنر میرانشاہ شاہ ولی گاڑی میں میرانشاہ سے بنوں ا رہے تھے کہ علاقہ ممش خیل کے قریب نامعلوم مسلح افراد نے ان کی گاڑی پر حملہ کرتے ہوئے اندھا دھند فائرنگ کر دی جس کے نتیجہ میں پولیس کانسٹبل سید رحمان، کانسٹیبل شیر رحمان اور ایک راہگیر عزیز الرحمن شہید ہو گئے جبکہ… https://t.co/4zd1hKtaSk pic.twitter.com/YpdLHNnlOO
— Shahid Hussain (@ShahidHussainJM) December 2, 2025