پاکستان اسٹاک ایکسچینج میں انڈیکس 3 ہزار سے زائد بڑھ گیا، زبردست تیزی

پاکستان اور افغانستان کے درمیان جنگ بندی ، پاکستان اسٹاک ایکسچینج میں انڈیکس 3 ہزار سے زائد بڑھ گیا، سرمایہ کاروں کے بڑھتا اعتماد۔ زبردست تیزی

کراچی (رئیس الاخبار) — پاکستان اسٹاک ایکسچینج (پی ایس ایکس) میں کاروباری ہفتے کے آخری روز زبردست تیزی دیکھی گئی، جب بینچ مارک کے ایس ای 100 انڈیکس 3 ہزار 300 پوائنٹس سے زائد اضافے کے ساتھ 1 لاکھ 60 ہزار پوائنٹس کے قریب پہنچ گیا۔
ماہرین کے مطابق پاکستان اسٹاک ایکسچینج میں انڈیکس 3 ہزار سے زائد پاکستان اور افغانستان کے درمیان جنگ بندی میں توسیع کے بعد سرمایہ کاروں کے بڑھتے اعتماد کا نتیجہ ہے۔

جمعے کی دوپہر 12 بجے تک کے ایس ای 100 انڈیکس میں گزشتہ اختتامی سطح 1,56,732 پوائنٹس کے مقابلے میں 3,319 پوائنٹس (2.12 فیصد) اضافہ ریکارڈ کیا گیا، جس سے مسلسل 7 روزہ مندی کا سلسلہ ختم ہوگیا۔

چیس سیکیورٹیز کے ریسرچ ڈائریکٹر یوسف ایم فاروق کے مطابق، ’’مارکیٹ نے آج جنگ بندی مذاکرات میں پیش رفت، رول اوور ویک کے اختتام، اور ادارہ جاتی سرمایہ کاری کے دوبارہ آغاز پر مثبت ردعمل ظاہر کیا۔‘‘

انہوں نے کہا کہ اب سرمایہ کاروں کی توجہ آئی ایم ایف کے جائزے، ممکنہ مالیاتی اقدامات، اور آمدنی سے متعلق پالیسی فیصلوں پر مرکوز ہے، خاص طور پر ایسے اقدامات پر جن میں محصولات میں اضافہ بھی شامل ہوسکتا ہے۔

ان کے مطابق سرمایہ کار پیر کو جاری ہونے والے تجارتی توازن کے اعداد و شمار کا بھی انتظار کر رہے ہیں، تاکہ ملکی معیشت کی سمت کے بارے میں واضح اشارے مل سکیں۔

یوسف فاروق نے مشورہ دیا کہ ’’ریٹیل سرمایہ کاروں کو ایکویٹیز کو طویل مدتی دولت سازی کے لیے استعمال کرنا چاہیے، اپنی عمر، نقدی کی ضرورت اور خطرے کو برداشت کرنے کی صلاحیت کے مطابق سرمایہ کاری کریں، اور اگر انہیں قلیل مدتی ضرورت ہو تو زیادہ سرمایہ کاری سے گریز کریں۔‘‘

اے کے ڈی سیکیورٹیز کے ریسرچ ڈائریکٹر اویس اشرف نے بھی کہا کہ جنگ بندی کے تسلسل سے مارکیٹ کا اعتماد بحال ہوا ہے اور سرمایہ کاروں کی توجہ دوبارہ بہتر ہوتے معاشی اشاریوں پر منتقل ہوگئی ہے۔

انہوں نے کہا کہ جن کمپنیوں نے حالیہ سہ ماہی میں مضبوط نتائج ظاہر کیے یا توسیعی منصوبے شروع کیے، ان کے شیئرز میں نمایاں بہتری دیکھی گئی۔
ان کے مطابق مارکیٹ کے لیے آئندہ اہم عوامل میں آئی ایم ایف ایگزیکٹو بورڈ کی جانب سے 1.2 ارب ڈالر کی قسط کی منظوری، ریکو ڈک منصوبے کی مالی تکمیل، اور قطر کے ساتھ ری-گیسفائیڈ ایل این جی معاہدوں کی ازسرنو بات چیت شامل ہیں۔

پاک کویت انویسٹمنٹ کمپنی کے تحقیق و ترقی کے سربراہ سمیع اللہ طارق نے بھی اس بات کی تصدیق کی کہ افغان جنگ بندی میں توسیع نے سرمایہ کاروں کے اعتماد کو بحال کیا ہے۔
انہوں نے (pakistan stock exchange)پاکستان اسٹاک ایکسچینج میں انڈیکس 3 ہزار سے زائد اس تیزی کی بڑی وجہ علاقائی سیاسی کشیدگی میں کمی اور سرمایہ کاری کے ماحول میں بہتری کو قرار دیا۔

Today, 52% of the total equity value traded at PSX was in Shariah-compliant stocks!

Learn about the top 3 Shariah Compliant Stocks in today's PSX Market Breakdown pic.twitter.com/gNWzd6bF48
— PSX (@pakstockexgltd) October 31, 2025
 

پاکستان اسٹاک ایکسچینج میں انڈیکس 3 ہزار سے زائد، زبردست تیزی