خسارے میں چلنے والے اداروں کی نجکاری ناگزیر ہے، میں خود نگرانی کروں گا — وزیراعظم شہباز شریف

اسلام آباد — وزیراعظم محمد شہباز شریف کی زیر صدارت ریاستی ملکیتی اداروں (SOEs) کی نجکاری پر پیش رفت کا اعلیٰ سطحی اجلاس منعقد ہوا۔ اجلاس میں وفاقی وزراء، نجکاری کمیشن کے چیئرمین اور متعلقہ حکام نے شرکت کی۔

وزیراعظم نے واضح کیا کہ خسارے میں چلنے والے قومی اداروں کی نجکاری ملکی معیشت کی بحالی اور پائیدار ترقی کے لیے ناگزیر ہے۔ انہوں نے ہدایت دی کہ نجکاری کا عمل شفاف، مؤثر اور مکمل قانونی تقاضوں کے تحت کیا جائے۔

وزیراعظم نے کہا:

"نجکاری کمیشن کو مکمل خودمختاری دی جائے گی اور میں خود اس عمل کی نگرانی کروں گا۔ ہم کسی بھی سرخ فیتے یا غیر ضروری رکاوٹ کو برداشت نہیں کریں گے۔”

انہوں نے زور دیا کہ:

"اداروں کی قیمتی اراضی پر کسی قسم کا ناجائز قبضہ ہرگز برداشت نہیں کیا جائے گا۔”

شہباز شریف نے ماہرین کی مشاورت اور بین الاقوامی معیارات کے مطابق فیصلہ سازی پر زور دیا تاکہ نجکاری کے مراحل میں قومی مفاد کا مکمل تحفظ یقینی بنایا جا سکے۔

اجلاس میں بتایا گیا کہ سال 2024 کی نجکاری فہرست میں شامل ادارے — جن میں پی آئی اے، ڈسکوز (بجلی کی ترسیل کار کمپنیاں) اور دیگر شامل ہیں — ان کی نجکاری مقررہ مالی، قانونی اور انتظامی اہداف کے مطابق کی جائے گی۔

وزیراعظم محمد شہباز شریف کی زیر صدارت فیڈرل بورڈ آف ریونیو میں جاری اصلاحات پر جائزہ اجلاس

اجلاس کو ایف بی آر کی اصلاحات، اقدامات کے نتائج اور گزشتہ مالی سال کے اہداف پر بریفنگ دی گئی۔

"ایف بی آر کی اصلاحات سے ٹیکس نظام میں بہتری خوش آئند ہے، عصری تقاضوں سے ہم آہنگ نظام کی… pic.twitter.com/KOfS2Y7HLZ
— Government of Pakistan (@GovtofPakistan) July 23, 2025