اسلام آباد: حکومت پاکستان کی جانب سے اگلے پندرہ روز کے لیے پیٹرولیم مصنوعات کی قیمتوں میں ردوبدل کا امکان ہے۔

زرائع کے مطابق پیٹرول 9 روپے 7 پیسے فی لیٹر سستا ہونے کا امکان ہے۔

ہائی اسپیڈ ڈیزل کی قیمت میں 3 روپے 73 پیسے فی لیٹر کمی متوقع ہے۔

تاہم، مٹی کے تیل کی قیمت میں 3 روپے 55 پیسے فی لیٹر اور

لائٹ ڈیزل کی قیمت میں 2 روپے 33 پیسے فی لیٹر اضافے کا امکان ظاہر کیا جا رہا ہے۔

اوگرا کی جانب سے نئی قیمتوں کی سمری 31 جولائی کو پٹرولیم ڈویژن کو ارسال کی جائے گی، جس کے بعد وزیراعظم شہباز شریف نئی قیمتوں کی حتمی منظوری دیں گے۔

یاد رہے کہ پاکستان میں ہر پندرہ دن بعد پیٹرولیم مصنوعات کی قیمتوں کا جائزہ لیا جاتا ہے۔ گزشتہ بار ان مصنوعات کی قیمتوں میں اضافہ کیا گیا تھا۔