کل اردن کے بادشاہ عبداللہ دوم دو روزہ سرکاری دورے پر پاکستان پہنچیں گے

کل اردن کے بادشاہ عبداللہ دوم دو روزہ سرکاری دورے پر پاکستان پہنچیں گے، اس دوران ان کی وزیراعظم اور صدرِ پاکستان سے اہم اور اعلیٰ سطح کی ملاقاتیں طے۔

اسلام آباد (رئیس الاخبار) — وزارتِ امورِ خارجہ کے مطابق اردن کے بادشاہ شاہ عبداللہ دوم وزیراعظم شہباز شریف کی دعوت پر ہفتہ کے روز دو روزہ سرکاری دورے پر پاکستان پہنچیں گے۔ دورے کے دوران ان کی وزیراعظم اور صدرِ پاکستان سے اہم اور اعلیٰ سطح کی ملاقاتیں طے ہیں۔

دفتر خارجہ نے بیان میں کہا کہ شاہ عبداللہ دوم دو روزہ سرکاری دورے پر پاکستانتشریف لانا اسلام آباد اور عمان کے درمیان موجود ’’برادرانہ، دیرینہ اور مضبوط تعلقات‘‘ کا عکاس ہے، جو دونوں ممالک کے درمیان اسٹریٹجک تعاون کو مزید تقویت دے گا۔

پچھلا دورہ اور معاہدے

اردن کے بادشاہ کا پاکستان کا آخری دورہ سابق صدر ممنون حسین کی دعوت پر ہوا تھا، جس میں دونوں ممالک کے درمیان دو اہم مفاہمتی یادداشتوں پر دستخط کیے گئے تھے۔
ان میں:

شہری تحفظ اور دفاع کے شعبے میں تعاون

ہاؤسنگ اور رہائش کے شعبے میں دوطرفہ اشتراک

شامل تھے۔

اسٹریٹجک شراکت داری کی مضبوطی

دفتر خارجہ کے مطابق شاہ عبداللہ دوم کے اس اعلیٰ سطحی دورے سے پاکستان اور اردن کے درمیان سیاسی، اقتصادی اور ثقافتی شعبوں میں جامع شراکت داری کو نئی بلندی ملے گی۔ دونوں ممالک دوطرفہ تعاون کے تمام پہلوؤں پر تفصیل سے بات چیت کریں گے، جبکہ مستقبل میں مشترکہ منصوبوں اور تعاون کے نئے امکانات پر غور بھی متوقع ہے۔

بیان میں مزید کہا گیا کہ شاہ عبداللہ دوم دو روزہ سرکاری دورے پر پاکستان کے صدرِ مملکت اور وزیراعظم سے الگ الگ ملاقاتیں کریں گے، جن میں علاقائی و عالمی امور پر بھی تبادلہ خیال ہوگا۔

سب سے بڑا سول اعزاز دینے کا اعلان

دفتر خارجہ کے مطابق ایوانِ صدر میں ایک خصوصی تقریب کا انعقاد کیا جائے گا، جس میں شاہ عبداللہ دوم کو پاکستان کا ’’سب سے بڑا شہری اعزاز‘‘ پیش کیا جائے گا۔

دفاعی تعلقات میں مضبوطی

پاک فوج کے شعبہ تعلقاتِ عامہ (آئی ایس پی آر) کے مطابق اکتوبر کے آخر میں آرمی چیف فیلڈ مارشل عاصم منیر کے اردن کے دورے کے دوران ان کی ملاقات شاہ عبداللہ دوم اور ولی عہد حسین بن عبداللہ دوم سے ہوئی تھی۔ ملاقات میں اردن کے بادشاہ نے علاقائی امن و سلامتی میں پاکستان کی عسکری قیادت کے کردار کو سراہا تھا۔

آئی ایس پی آر کے مطابق شاہ عبداللہ دوم نے دفاعی شعبے میں مزید مضبوط تعاون کی خواہش کا اظہار کیا، جب کہ آرمی چیف نے پاکستان کے عوام، حکومت اور فوج کی جانب سے نیک خواہشات پہنچائیں۔

دوطرفہ تعلقات میں نیا باب

دفتر خارجہ نے کہا کہ شاہ عبداللہ دوم دو روزہ سرکاری دورے پر پاکستان تشریف لانا پاکستان–اردن تعلقات کے نئے اور مضبوط مرحلے کا آغاز ثابت ہوگا، جس سے دونوں ملکوں کے درمیان اقتصادی و دفاعی تعاون کے حجم میں اضافہ متوقع ہے۔

🔊PR No.3️⃣3️⃣4️⃣/2️⃣0️⃣2️⃣5️⃣

Curtain Raiser: His Majesty King Abdullah II, King of the Hashemite Kingdom of Jordan's Visit to Pakistan https://t.co/3JtiTnJf4C
🔗⬇️ pic.twitter.com/2cp6RKE48i
— Ministry of Foreign Affairs - Pakistan (@ForeignOfficePk) November 14, 2025