‫Helicobacter pylori بیکٹیریا سے ڈیڑھ کروڑ کینسر کیسز کا انکشاف‬‫‬

کینسر کی تمام اقسام سے متاثر ہونے کا خطرہ عمر کے ساتھ بڑھتا ہے۔

امریکا کے نیشنل انسٹیٹیوٹ آف ہیلتھ کے مطابق 60 سال یا اس سے زائد عمر کے ہر 100 میں سے ایک فرد کو کینسر کا سامنا ہوتا ہے۔

مگر موجودہ عہد میں جوان افراد میں نظام ہاضمہ بشمول آنتوں، معدے اور دیگر اعضا کے کینسر کے کیسز کی شرح میں بہت زیادہ اضافہ ہوا ہے۔

درحقیقت آنتوں کا کینسر دنیا میں سرطان کی تیسری سب سے عام قسم ہے۔

50 سال سے کم عمر افراد میں معدے، آنتوں یا نظام ہاضمہ سے جڑے کینسر کیسز کی شرح میں اضافہ دیکھنے میں آیا ہے اور ماہرین ابھی تک کسی ٹھوس وجہ کا تعین نہیں کرسکے ہیں۔

لوگ ہارٹ اٹیک کی علامات کو اکثر سمجھنے سے قاصر رہتے ہیں، تحقیق

مگر اب ایک نئی تحقیق میں اس حوالے سے بتایا گیا ہے۔

اس تحقیق میں 2010 سے 2019 کے دوران آنتوں یا نظام ہاضمہ سے متعلق کینسر کے حوالے سے ہونے والی تحقیقی رپورٹس کا تجزیہ کیا گیا۔

نتائج سے معلوم ہوا کہ اس عرصے کے دوران امریکا میں نظام ہاضمہ سے متعلق کینسر کیسز کی شرح میں لگ بھگ 15 فیصد اضافہ ہوا جبکہ دنیا بھر میں بھی ان کیسز کی شرح بڑھی ہے۔

تحقیق میں بتایا گیا کہ ابھی تک درست وجہ تو معلوم نہیں مگر ماحولیاتی عناصر، غذا اور طرز زندگی ممکنہ طور پر کینسر کی ان اقسام کے پھیلاؤ کا باعث بن رہے ہیں۔

فالج، کینسر اور ہارٹ اٹیک جیسے جان لیوا امراض سے بچنا چاہتے ہیں؟ تو یہ عادت آج ہی اپنالیں

برٹش جرنل آف سرجری میں شائع تحقیق میں بتایا گیا کہ پراسیس غذاؤں، سرخ گوشت، ورزش سے دوری، تناؤ، جگر پر چربی چڑھنے کے عارضے کی شرح میں اضافے، تمباکو نوشی، الکحل کا استعمال اور پلاسٹک کے ننھے ذرات کے باعث ممکنہ طور پر کینسر کی ان اقسام کا پھیلاؤ تیزی سے ہو رہا ہے۔

محققین نے بتایا کہ اگرچہ جوان افراد میں نظام ہاضمہ سے متعلق کینسر کیسز کی شرح میں اضافہ ہوا ہے مگر اب بھی یہ تعداد 50 سال سے زائد عمر کے افراد سے کم ہے۔

مگر ان کا کہنا تھا کہ اگر اس حوالے سے اقدامات نہ کیے گئے تو پھر جوان افراد میں یہ شرح بہت زیادہ بڑھ سکتی ہے۔

اس حوالے سے حال ہی میں جرنل نیچر میڈیسن میں بھی ایک تحقیق شائع ہوئی تھی۔

سوچ کو مثبت رکھنے سے دمہ کی علامات میں بہتری آسکتی ہے، تحقیق

انٹرنیشنل ریسرچ آن کینسر کے ماہرین کی اس تحقیق میں بھی بتایا گیا کہ نظام ہاضمہ سے متعلق کینسر کی اقسام کے کیسز کی شرح میں نمایاں اضافہ ہوا ہے۔

اس تحقیق کے مطابق معدے کے کینسر اور ایک عام بیکٹیریم کے درمیان تعلق موجود ہے۔

تحقیق کے مطابق 185 ممالک کے ڈیٹا کا تجزیہ کرنے سے عندیہ ملتا ہے کہ نظام ہاضمہ سے جڑے کینسر کے ڈیڑھ کروڑ سے زائد کیسز ایک عام بیکٹیریم Helicobacter pylori کا نتیجہ تھے۔