سیمنٹ کی فروخت اگست 2025 میں ڈبل ڈیجٹ گروتھ
سیمنٹ کی فروخت اگست 2025 – مجموعی صورتحال
آل پاکستان سیمنٹ مینوفیکچررز ایسوسی ایشن (APCMA) کے جاری کردہ اعدادوشمار کے مطابق سیمنٹ کی فروخت اگست 2025 میں واضح اضافہ دیکھا گیا۔ اس مہینے میں مجموعی فروخت 3.846 ملین ٹن ریکارڈ کی گئی جو گزشتہ سال اگست 2024 کی 3.421 ملین ٹن کے مقابلے میں 12.45 فیصد زیادہ ہے۔
یہ اضافہ اگرچہ نمایاں ہے، لیکن جولائی 2025 کے مقابلے میں سیلز کی رفتار میں کچھ کمی ریکارڈ کی گئی۔ جولائی میں مقامی کھپت اور برآمدات دونوں ہی بہتر رہی تھیں۔
مقامی فروخت کی کارکردگی
اگست 2025 میں مقامی مارکیٹ میں سیمنٹ کی کھپت 3.097 ملین ٹن رہی جو اگست 2024 کی 2.807 ملین ٹن کے مقابلے میں 10.33 فیصد زیادہ ہے۔ یہ اضافہ ملک میں تعمیراتی سرگرمیوں کے تسلسل کو ظاہر کرتا ہے۔
شمالی علاقوں نے 2.586 ملین ٹن سیمنٹ مقامی مارکیٹ میں فروخت کیا جو گزشتہ سال کے 2.380 ملین ٹن کے مقابلے میں 8.64 فیصد زیادہ ہے۔
جنوبی علاقوں میں مقامی کھپت 510,758 ٹن رہی جو اگست 2024 کی 426,289 ٹن کے مقابلے میں 19.81 فیصد زائد ہے۔
یہ اعدادوشمار ظاہر کرتے ہیں کہ سیمنٹ کی فروخت اگست 2025 (Cement sales August 2025)میں شمال اور جنوب دونوں خطوں میں مثبت رجحان دیکھا گی
برآمدات میں اضافہ
پاکستانی سیمنٹ کی برآمدات بھی اگست 2025 میں بہتر رہیں۔ اس مہینے برآمدات 7 لاکھ 49 ہزار 723 ٹن ریکارڈ کی گئیں جو اگست 2024 کے 6 لاکھ 13 ہزار 875 ٹن کے مقابلے میں 22.13 فیصد زیادہ ہیں۔
شمالی علاقوں سے برآمدات میں 1.84 فیصد اضافہ ہوا، جو 204,901 ٹن سے بڑھ کر 208,669 ٹن ہوگئیں۔
جنوبی علاقوں کی برآمدات میں نمایاں 32.30 فیصد اضافہ ہوا اور یہ 408,956 ٹن سے بڑھ کر 541,054 ٹن تک پہنچ گئیں۔
یہ رجحان ظاہر کرتا ہے کہ سیمنٹ کی فروخت اگست 2025 میں صرف مقامی سطح پر نہیں بلکہ بین الاقوامی مارکیٹ میں بھی مثبت پیش رفت ہوئی ہے۔
شمالی اور جنوبی فیکٹریوں کی مجموعی کارکردگی
شمالی سیمنٹ فیکٹریوں نے اگست 2025 میں کل 2.795 ملین ٹن سیمنٹ فروخت کیا جو گزشتہ سال کے 2.585 ملین ٹن کے مقابلے میں 8.10 فیصد زیادہ ہے۔
جنوبی فیکٹریوں نے 1.05 ملین ٹن سیمنٹ فروخت کیا جو اگست 2024 کی 0.835 ملین ٹن کے مقابلے میں 25.93 فیصد زیادہ ہے۔
یہ فرق ظاہر کرتا ہے کہ جنوبی فیکٹریوں نے زیادہ تیز رفتار ترقی دکھائی ہے۔
مالی سال کے پہلے دو ماہ کا تجزیہ
رواں مالی سال کے ابتدائی دو ماہ (جولائی تا اگست 2025) میں مجموعی فروخت 7.847 ملین ٹن رہی جو گزشتہ سال کے 6.492 ملین ٹن کے مقابلے میں 20.88 فیصد زیادہ ہے۔
مقامی فروخت 6.090 ملین ٹن رہی جو گزشتہ سال کے 5.331 ملین ٹن کے مقابلے میں 14.25 فیصد زیادہ ہے۔
برآمدات 51.29 فیصد اضافے سے بڑھ کر 1.757 ملین ٹن ہو گئیں۔
یہ اعدادوشمار واضح کرتے ہیں کہ سیمنٹ کی فروخت اگست 2025 صرف ایک مہینے کی کامیابی نہیں بلکہ پورے مالی سال کے آغاز میں مثبت رجحان کا حصہ ہے۔
سیلاب اور بارشوں کا اثر
پاکستان سیمنٹ مینوفیکچررز ایسوسی ایشن کے ترجمان نے کہا کہ ملک شدید بارشوں اور سیلاب کی وجہ سے مشکل حالات سے گزر رہا ہے۔ ان حالات نے عوام کو براہ راست متاثر کیا ہے۔ انہوں نے حکومت سے مطالبہ کیا کہ سیمنٹ پر ٹیکس کم کیے جائیں تاکہ متاثرہ علاقوں کی بحالی کے منصوبے کم لاگت میں مکمل ہوسکیں۔
اعدادوشمار سے صاف ظاہر ہوتا ہے کہ سیمنٹ کی فروخت اگست 2025 مقامی اور برآمداتی دونوں محاذوں پر ڈبل ڈیجٹ گروتھ دکھا رہی ہے۔ شمالی اور جنوبی دونوں فیکٹریوں نے مثبت کارکردگی دکھائی ہے، جبکہ جنوبی فیکٹریوں کی رفتار زیادہ مضبوط رہی۔ اگر حکومت کی طرف سے ٹیکسز میں ریلیف دیا گیا تو آنے والے مہینوں میں یہ کارکردگی مزید بہتر ہوسکتی ہے۔
پاکستان کا تجارتی خسارہ 6 ارب ڈالر سے تجاوز کر گیا
Comments 2