شہباز شریف کا متحدہ عرب امارات کے 54ویں قومی دن پر تقریب سے خطاب: پاکستان اور یو اے ای کے تعلقات مثالی ہیں

وزیراعظم شہباز شریف کا متحدہ عرب امارات کے 54ویں قومی دن پر تقریب سے خطاب: خطے میں امن اور خوشحالی کےلیے یواے ای کا کردار خوش آئند ہے، پاکستان اور یو اے ای کے تعلقات مثالی ہیں

اسلام آباد (رئیس الاخبار) :— وزیراعظم محمد شہباز شریف کا متحدہ عرب امارات کے 54ویں قومی دن پر تقریب سے خطاب کہا کہ پاکستان اور متحدہ عرب امارات کے تعلقات دیرینہ، مضبوط اور قابلِ فخر شراکت داری پر مبنی ہیں، اور دونوں ممالک خطے میں امن، استحکام اور خوشحالی کے لیے مل کر آگے بڑھ رہے ہیں۔

اسلام آباد میں متحدہ عرب امارات کے 54ویں قومی دن کے موقع پر منعقدہ تقریب سے خطاب کرتے ہوئے وزیراعظم نے یو اے ای کی قیادت—شیخ محمد بن زاید النہیان، شیخ محمد بن راشد المکتوم—اور عوام کو مبارکباد پیش کی۔ انہوں نے کہا کہ گزشتہ 50 برسوں میں یو اے ای نے غیر معمولی ترقی کی ہے اور خطے میں امن و ترقی کے لیے اس کا کردار قابلِ تحسین ہے۔

وزیراعظم شہباز شریف کا متحدہ عرب امارات کے 54ویں قومی دن پر تقریب سے خطاب میں کہا کہ پاکستان ہمیشہ یو اے ای کی دوستی اور بروقت معاشی تعاون کا شکر گزار رہے گا، اور پاکستان کو یو اے ای کے ساتھ اپنی شراکت داری پر فخر ہے۔ انہوں نے کہا کہ پاکستان کی معاشی بحالی کے بعد یو اے ای کی جانب سے قابل تجدید توانائی، مصنوعی ذہانت، فِن ٹیک، زراعت اور معدنیات سمیت مختلف شعبوں میں سرمایہ کاری کا خیرمقدم کیا جاتا ہے۔

تقریب سے متحدہ عرب امارات کے سفیر صالح محمد الظہبی نے بھی خطاب کیا اور کہا کہ پاکستان اور یو اے ای کے تعلقات وقت کے ساتھ مزید مضبوط ہو رہے ہیں۔ انہوں نے کہا کہ دونوں ممالک کے درمیان شراکت داری میں مسلسل اضافہ ہو رہا ہے اور یو اے ای پاکستان کو قدر کی نگاہ سے دیکھتا ہے۔

تقریب کے اختتام پر وزیراعظم شہباز شریف اور یو اے ای کے سفیر نے قومی دن کا کیک بھی کاٹا۔

“My earliest memories of the UAE were of the land that believed in possibilities long before these became realities. Witnessing the UAE's remarkable journey as it attains new heights of progress fills all of us with profound admiration for not only the President of UAE but his… pic.twitter.com/DNOMXvaShp
— Government of Pakistan (@GovtofPakistan) December 8, 2025