انٹیلی جنس بنیاد پرسیکیورٹی فورسز کا بنوں میں کامیاب آپریشن، 22 دہشت گرد ہلاک

انٹیلی جنس بنیاد پر سیکیورٹی فورسز کا بنوں میں کامیاب آپریشن، 22 دہشت گرد ہلاک، وزیراعظم محمد شہباز شریفکا سیکیورٹی فورسز کی کامیاب کارروائی پر خراج تحسین

خیبر پختونخوا کے ضلع بنوں میں سیکیورٹی فورسز نے پیر کے روز انٹیلی جنس اطلاعات پر مبنی ایک اہم آپریشن (آئی بی او) کے دوران بھارتی اسپانسرڈ فتنۃ الخوارج کے 22 دہشت گردوں کو ہلاک کر دیا۔ آئی ایس پی آر کے جاری کردہ بیان کے مطابق فورسز کو مصدقہ اطلاعات موصول ہوئی تھیں کہ خوارج کا گروہ علاقے میں موجود ہے، جس پر آپریشن ترتیب دیا گیا۔

سیکیورٹی فورسز نے خفیہ ٹھکانے پر مؤثر حملہ کیا، جس کے نتیجے میں شدید فائرنگ کا تبادلہ ہوا۔ کارروائی کے دوران 22 دہشت گردوں کو جہنم واصل کر دیا گیا جبکہ سیکیورٹی فورسز کا بنوں میں کامیاب آپریشن کے بعد علاقے میں کلیئرنس آپریشن بدستور جاری ہے تاکہ کسی بھی اور دہشت گرد کی موجودگی کو مکمل طور پر ختم کیا جا سکے۔

بیان میں کہا گیا کہ پاک فوج، قانون نافذ کرنے والے اداروں کے ساتھ مل کر، دہشت گردی کے خلاف کارروائیاں پوری شدت اور عزم کے ساتھ جاری رکھے ہوئے ہے تاکہ ملک سے غیر ملکی حمایت یافتہ دہشت گردی کا مکمل خاتمہ کیا جا سکے۔

وزیراعظم محمد شہباز شریف نے سیکیورٹی فورسز کا بنوں میں کامیاب آپریشن کو سراہتے ہوئے خراج تحسین پیش کیا۔ انہوں نے کہا کہ عزمِ استحکام کے وژن کے تحت مسلح افواج دہشت گردی کے خلاف اہم کامیابیاں حاصل کر رہی ہیں۔ وزیراعظم نے مزید کہا کہ پوری قوم، دہشت گردی کے خاتمے کے لیے اپنی بہادر افواج کے ساتھ کھڑی ہے اور ہم ہر قیمت پر ملک میں امن و استحکام یقینی بنائیں گے۔

واضح رہے کہ کالعدم ٹی ٹی پی کی جانب سے نومبر 2022 میں جنگ بندی ختم کیے جانے کے بعد سے خیبر پختونخوا اور بلوچستان میں دہشت گردی کی وارداتوں میں نمایاں اضافہ دیکھا گیا ہے۔

🚨#ISPR 22 Terrorists Eliminated
Rawalpindi, 25 November, 2025

On 24 November 2025, security forces conducted an intelligence based operation in #Bannu District, #Pakistan, on reported presence of Khwarij belonging to #India Proxy, Fitna al Khwarij.

During the conduct of… pic.twitter.com/ybQUEqAkJ4
— Pakistan Armed Forces News 🇵🇰 (@PakistanFauj) November 25, 2025