نیول چیف ایڈمرل نوید اشرف کا بنگلہ دیش کا کامیاب دورہ مکمل، علاقائی سلامتی و دفاعی تعاون پر بات چیت

نیول چیف ایڈمرل نوید اشرف کا بنگلہ دیش کا کامیاب دورہ مکمل، علاقائی سلامتی و دفاعی تعاون پر بات چیت, اعلیٰ عسکری قیادت سے ملاقاتیں

اسلام آباد (رئیس الاخبار) :— پاک بحریہ کے شعبہ تعلقات عامہ کے مطابق چیف آف نیول اسٹاف ایڈمرل نوید اشرف کا بنگلہ دیش کا دورہ مکمل ہوگیا، جہاں انہوں نے اعلیٰ عسکری قیادت سے ملاقاتیں کیں اور علاقائی و بحری سلامتی، دفاعی تعاون اور دوطرفہ تعلقات کے فروغ پر تبادلہ خیال کیا۔

دوطرفہ ملاقاتیں

ترجمان پاک بحریہ کے مطابق، ایڈمرل نوید اشرف نے بنگلہ دیشی بری فوج کے سربراہ جنرل وقار الزمان، سربراہ بحریہ ایڈمرل ایم ناظم الحسن، فضائیہ کے سربراہ ایئر چیف مارشل حسن محمود خان اور آرمڈ فورسز ڈویژن کے پرنسپل اسٹاف آفیسر لیفٹیننٹ جنرل ایس ایم قمرال حسن سے الگ الگ ملاقاتیں کیں۔
ان ملاقاتوں میں پیشہ ورانہ امور، علاقائی بحری سلامتی، مشترکہ مشقوں اور دفاعی تعاون کے نئے امکانات پر تفصیلی گفتگو کی گئی۔

پاک بحریہ کا جہاز پی این ایس سیف بھی چٹاگانگ میں

اعلامیے میں بتایا گیا کہ نیول چیف ایڈمرل نوید اشرف کا بنگلہ دیش کا کامیاب دورہ اُس وقت ہوا جب پاک بحریہ کا جنگی جہاز پی این ایس سیف بنگلہ دیش کی بندرگاہ چٹاگانگ پر لنگر انداز ہے۔
بیان کے مطابق یہ تاریخی چیف ایڈمرل نوید اشرف کا بنگلہ دیش کا کامیاب دورہ باہمی احترام، دوطرفہ بحری تعاون اور علاقائی امن کے ایک نئے دور کی علامت ہے۔

عسکری اداروں کے دورے

ایڈمرل نوید اشرف نے نیشنل ڈیفنس کالج اور بنگلہ دیش نیول اکیڈمی کا بھی دورہ کیا، جہاں انہوں نے تربیتی معیار کو سراہا اور جدید بحری ٹیکنالوجی و پیشہ ورانہ مہارت کی اہمیت پر زور دیا۔
چٹاگانگ میں قیام کے دوران، کمانڈر چٹاگانگ، کمانڈر بنگلہ دیش نیوی فلیٹ اور ایریا سپرنٹنڈنٹ ڈاک یارڈ نے بھی ان سے ملاقاتیں کیں۔

پی این ایس سیف پر استقبالیہ تقریب

بعد ازاں، پی این ایس سیف پر ایک استقبالیہ تقریب کا اہتمام کیا گیا، جس میں بنگلہ دیشی نیول چیف، پاکستان کے ہائی کمشنر عمران حیدر، سفارت کاروں، اعلیٰ عسکری حکام، ماہرین، صحافیوں اور کاروباری شخصیات نے شرکت کی۔
شرکاء نے خلیج بنگال اور بحرِ ہند میں پرامن تعاون اور مشترکہ سلامتی کے عزم کو دوہرایا۔

اسلام آباد اور ڈھاکا کے تعلقات میں بہتری

چیف ایڈمرل نوید اشرف کا بنگلہ دیش کا کامیاب دورہ ایسے موقع پر ہوا ہے جب پاکستان اور بنگلہ دیش کے تعلقات میں نمایاں بہتری دیکھنے میں آ رہی ہے۔
گزشتہ اگست میں نائب وزیراعظم و وزیرِ خارجہ اسحٰق ڈار نے بنگلہ دیش کے چیف ایڈوائزر پروفیسر محمد یونس سے ڈھاکا میں ملاقات کی تھی — جو 13 سال بعد کسی پاکستانی وزیرِ خارجہ کا پہلا دورہ تھا۔
مزید برآں، اکتوبر 2025 میں 20 برس کے وقفے کے بعد پاک۔بنگلہ دیش مشترکہ اقتصادی کمیشن کا 9واں اجلاس ڈھاکا میں منعقد ہوا، جو دونوں ممالک کے درمیان معاشی و ترقیاتی تعاون کو نئی جہت دے گیا۔

#ISPR
Rawalpindi, 13 November, 2025

Admiral Naveed Ashraf, NI, NI (M), Chief of the Naval Staff, #Pakistan Army, concluded his official visit to #Bangladesh, alongside the port visit of PNS SAIF at Chattogram.

During the visit, the Naval Chief held meetings with Chief of Army… pic.twitter.com/HDZ2jtat3r
— Pakistan Armed Forces News 🇵🇰 (@PakistanFauj) November 13, 2025